kpostmedia

પ્લાસ્ટિકનાં કપ આપણા સ્વાસ્થ્ય માટે કેવી રીતે હાનિકારક છે?

આપે ઘણી વખત પ્લાસ્ટિક નાં કપ માં પાણી, ચા, કોફી, કોલ્ડ્રીન્કસ વગેરે પીધું હશે. સામાન્ય રીતે પાર્ટી કે ફંક્શન માં તેનો  વધારે ઉપયોગ થાય છે. આનું સ્પષ્ટ કારણ છે કે તે મળવામાં આસાન અને સસ્તુ હોય  છે. પણ આપણે ભુલી જઈએ છીએ કે આ પ્લાસ્ટિક આપણા સ્વાસ્થ્ય માટે તેમજ પર્યાવરણના સ્વાસ્થ્ય માટે પણ હાનીકારક છે. પ્લાસ્ટિકનાં કપ માં પાણી, ચા, કોફી, કોલ્ડ્રીન્કસ વગેરે પીવાથી આપને ઘણીબધી બીમારીઓ લાગુ પડી શકે છે અને તેનુ કારણ છે તેની બનાવટ દરમિયાન  વપરાતા હાનીકારક પદાર્થો.

અમેરિકી કેમીકલ રિસર્ચના રિપોર્ટમાં જણાવાયું છે કે પ્લાસ્ટિકમાં ખાદ્યચીજો કે પ્રવાહી લેવાથી ૫૨ પ્રકારના કેન્સરનો ખતરો રહે છે. પ્લાસ્ટિકની બનાવટમાંથી બનેલા આ પ્લાસ્ટિક નાં કપ માંથી પ્રસરતું ઝેર અતિ સૂક્ષ્મ માત્રામાં હોય છે જે મારી નાખતું નથી પણ થાઇરોઇડ ગ્રંથી ઉપર ગંભીર અસર કરી પુખ્ત ઉંમરના માનવની યાદશકિત અને નાના બાળકોનાં માનસીક વિકાસ ઉપર વિપરીત અસર કરે છે.

પ્લાસ્ટિકનાં કપ માંથી પ્રસરતા ઝેરી રસાયણ થી શરીરમાં સ્થુળતા વધે છે. આ ઉપરાંત સ્ત્રીઓ માં હોર્મોન નું અસંતુલન પેદા થાય છે. આ ઝેરી રસાયણો થી પુરુષ અને સ્ત્રી બંનેની પ્રજનન ક્ષમતા ઉપર અસર પડે છે. ઝેરી રસાયણો થી બનેલા પ્લાસ્ટિકનાં કપ ગર્ભવતી મહિલાઓનાં ગર્ભને પણ નુકશાન કરી શકે છે. પ્લાસ્ટિકનાં કપમાં રહેલા રસાયણો થી ઇન્સ્યુલીન બનાવનાર કોશિકાઓ ઉપર વિપરીત અસર થાય છે જેનાથી શરીરમાં ગ્લુકોઝનું અસંતુલન થાય છે.

પ્લાસ્ટિક નાં કપ ના વપરાશથી શરીરની રોગપ્રતિકારક શક્તિ ઘટે છે. આ ઉપરાંત મસ્તિષ્ક ઉપર હાનીકારક અસરો પડે છે. એવું જોવામાં આવ્યું છે કે જે બાળકો પ્લાસ્ટિકનો ઉપયોગ વધારે કરે છે તે હાયપર એક્ટીવ થઈ જાય છે અને તેમની યાદશક્તિ પણ ઓછી થઈ જાય છે. પ્લાસ્ટિકનાં કપ માં રહેલા રસાયણો પ્રોસ્ટેટ કેન્સરની કોશિકાઓને ઉત્તેજિત કરે છે જેનાથી પ્રોસ્ટેટનો આકાર વધે છે.

આ બધા ખતરાઓથી આપે બચવું જ જોઈએ તેની માટે પ્લાસ્ટિકનાં કપને બદલે કાચના કપ અથવા અન્ય ધાતુઓના કપ ઉપયોગમાં લાવી શકીએ.

Article by

અંકિત કારીઆ, (HOD, Yog) ફ્રેનીબેન દેસાઇ ફાઉન્ડેશન (M) 9428353623. Ahmedabad.